elana.kz: Президенттік клиникада Түркияның танымал профессорының қатысуымен травматология бойынша шеберлік сағаты өтуде

Бүгін ҚР ПІБ Медициналық орталығының ауруханасына «Medicabil» түрік клиникасы делегациясы ресми сапармен келді. Сапар аясында Президенттік клиника мен «клиникадағы клиника» жобасын іске асыруды, сондай-ақ травматология мен ортопедияда инновациялық медициналық технологияларды қолдану тәжірибесімен өзара алмасуды көздейтін «Medicabil» түрік клиникасы арасында әріптестік туралы келісімге қол қойылды.

Президенттік клиниканың директоры Валерий Бенберин кездесу барысында мамандарға тәжірибе мен қолданылатын технологияларды беруге мүмкіндік беретін «клиникадағы клиника» жобасының маңыздылығын атап өтті.

Екі күн бойы, 24-25 маусымда президенттік клиниканың травматолог-ортопедтері «Medicabil» клиникасының атақты профессоры, ортопедиядағы роботтандырылған хирургия бойынша жетекші маман Омер Фарук Билгеннің қатысуымен шеберлік сағатын өткізеді.

Бірлескен ынтымақтастықтың арқасында Президенттік клиника базасында туа біткен дислокация кезінде жамбас буынын күрделі бастапқы протездеу бойынша бірқатар операциялар жүргізіледі. Екі күн аралығында Президенттік клиниканың шақырылған мамандары мен ортопедтері жинақталған тәжірибесімен бөлісіп, көп салалы тәсілді талап ететін травматологиялық бейіндегі пациенттерді бірлесіп қабылдайтын болады.

Сондай-ақ, Омер Фарук Билгеннің шеберлік сағаты аясында елордалық клиникалардың травматологтарына лекция өтеді.

https://www.elana.kz/prezidenttik-klinikada-tuyrkiyanyng-tanymal-professorynyng-qatysuymen-travmatologiya-bojynsha-sheberlik-saghaty-otude/

Материалды әлеуметтік желілерде бөлісіңіз: